இலங்கையுடன் மோதும் இந்தியா: அட்டவணை அறிவிப்பு

இந்திய கிரிக்கெட் அணி டி20 உலகக்கிண்ணம் வரை தொடர்ச்சியாக போட்டிகளில் விளையாடவுள்ளது.
இதற்கான போட்டி அட்டவணைகளை இந்திய கிரிக்கெட் வாரியம் வெளியிட்டுள்ளது.
இதன் படி வருகின்ற யூன் மாதம் இந்திய அணி வங்கதேசம் சென்று ஒரு டெஸ்ட், 3 ஒருநாள் போட்டிகள் கொண்ட தொடரில் பங்கேற்கிறது.
இதைத் தொடர்ந்து யூலை மாதம் ஜிம்பாப்வே செல்லும் இந்திய அணி 3 ஒருநாள், 2 ‘டி-20’ போட்டிகள் கொண்ட தொடரில் பங்கேற்கிறது.
அடுத்து ஆகஸ்ட் மாதம் இலங்கை சுற்றுப்பயணம் மேற்கொள்ளும் இந்திய அணி 3 போட்டிகள் கொண்ட டெஸ்ட் தொடரில் விளையாடுகிறது.
இதன் பின் செப்டம்பரில் இந்திய அணி சொந்த மண்ணில் தென் ஆப்பிரிக்காவுக்கு எதிராக 4 டெஸ்ட், 5 ஒருநாள் மற்றும் 3 ‘டி–20’ போட்டிகள் கொண்ட தொடரில் மோதுகிறது.

இதைத் தொடர்ந்து பல ஆண்டுகளாக ரசிகர்களால அதிகம் எதிர்பார்க்கப்பட்ட இந்தியா- பாகிஸ்தான் அணிகளுக்கிடையேயான தொடர் நடக்கும் எனத் தெரிகிறது.
அடுத்த வருடம் ஜனவரியில் அவுஸ்திரேலியா செல்லும் இந்திய அணி அவுஸ்திரேலிய மண்ணில் 5 ஒருநாள், 3 ‘டி–20’ போட்டிகளில் விளையாடுகிறது.
இதைத் தொடர்ந்து பெப்ரவரி மாதம் இந்தியா செல்லும் இலங்கை அணி, 3 போட்டிகள் கொண்ட ‘டி–20’ தொடரில் பங்கேற்கிறது.
மேலும், ஆசிய அணிகள் பங்கேற்கும் ‘டி–20’ தொடரிலும் இந்தியா விளையாடுகிறது.
இந்த தொடருக்கு பின்னர் அடுத்த ஆண்டு மார்ச் 11 முதல் ஏப்ரல் 2 வரை நடக்கவுள்ள டி-20 உலகக்கிண்ணப் போட்டியில் இந்தியா பங்கேற்கிறது. பிறகு 9வது ஐபிஎல் தொடர் நடக்கும்.