லாஇ­லாஹ இல்­லல்­லாஹு ஸ்டிக்கர்: முச்சக்கர வண்டி உரிமையாளரை தூஷித்த பொலிஸ்

“லாஇ­லாஹ இல்­லல்­லாஹு முஹம்­மதுர் ரசூ­லுல்லாஹ்” என்ற அரபு வச­னங்­க­ளுடன் கூடிய ஸ்டிக்கர் ஒன்­றினை முச்­சக்­கர வண்­டியில் ஒட்­டி­யி­ருந்த முச்­சக்­கர வண்டி சாரதியை பொலிஸ் உத்­தி­யோ­கத்தர் ஒருவர் தூஷண வார்த்­தை­களால் ஏசி ஸ்டிக்­கரை கழற்றி எறியச் சொன்ன சம்­ப­வ­மொன்று மாத்­தளை நகரில் இடம்­பெற்­றுள்­ளது.

கடந்த செவ்­வாய்க்­கி­ழமை பகல் வேளை இடம்­பெற்­றுள்ள இச்­சம்­பவம் தொடர்­பாக மாத்­தளை பொலிஸில் முச்­சக்­க­ர­வண்டி சாரதி முறைப்­பா­டொன்­றினைச் செய்­துள்ளார். இச்­சம்­பவம் தொடர்­பான விசா­ர­ணையை கண்டி மாவட்ட பிரதி பொலிஸ் மா அதிபர் பி.எம்.எம்.ஜி.பி.பெர­முன நேற்று முன்தினம் பிற்­பகல் மேற்­கொண்டார்.

இச்­சம்­பவம் பற்றி தெரி­விக்­கப்­ப­டு­வ­தா­வது மாத்­தளை கோட்­ட­கொ­டையைச் சேர்ந்த நௌசாட் என்­பவர் தனது 4 பிள்­ளை­க­ளுடன் பெருநாள் உடை வாங்­கு­வ­தற்­காக மாத்­தளை நக­ருக்கு முச்­சக்­கர வண்­டியில் வந்­துள்ளார். முச்­சக்­கர வண்­டியின் பின்னால் குறிப்­பிட்ட ஸ்டிக்கர் ஒட்­டப்­பட்­டி­ருந்­ததைக் கண்­ணுற்ற பொலிஸ் உத்­தி­யோ­கத்தர் முச்­சக்­கர வண்­டியை நிறுத்­தி­யுள்ளார்.

வண்­டிக்குள் மூன்று பெண் பிள்­ளை­களும், ஒரு ஆண் பிள்­ளையும் இருந்­துள்­ளனர். ஒரு பெண்­பிள்ளை இளம் வயது பிள்­ளை­யாகும்.

முச்­சக்­கர வண்­டியை நிறுத்­திய பொலிஸ் உத்­தி­யோ­கத்தர் அரபு வச­னங்­க­ளுக்கு விளக்கம் கோரி­ய­துடன் சார­தியை அவ­தூ­றாகப் பேசி­யுள்ளார். இது சவூ­தி­யல்ல. இங்கு இவ்­வா­றான ஸ்டிக்­கர்கள் ஒட்­ட­மு­டி­யாது என்று ஸ்டிக்­கரை கழற்­று­மாறு அச்­சு­றுத்­தி­யுள்ளார்.

ஸ்டிக்­கரை அப்­பு­றப்­ப­டுத்­திய சாரதி நௌசாத் இது தொடர்­பாக பொலிஸில் புகார் செய்­த­தை­ய­டுத்தே நேற்று முன்தினம் மாத்­தளை பொலிஸில் விசா­ரணை நடை­பெற்­றது.

முச்­சக்­கர வண்டி சார­தியின் வாக்­கு­மூலம் நேற்று முன்தினம் பெறப்­பட்­ட­துடன் முச்­சக்­க­ர­வண்­டி­யி­லி­ருந்து 4 பிள்­ளை­க­ளி­னதும் வாக்­கு­மூ­லங்­களை பெற்று கொள்­வ­தற்­காக நேற்று (வெள்­ளிக்­கி­ழமை) கண்டி பொலிஸ் நிலை­யத்­திற்கு அழைக்­கப்­பட்­டி­ருக்­கின்­றனர்.

இதே­வேளை பொலிஸ் உத்தியோகத்தருக்கு எதிராக செய்யப்பட்டுள்ள முறைப்பாட்டினை வாபஸ் பெற்றுகொள்ளும்படி முச்சக்கர வண்டி சாரதி நௌசாத்திற்கு மாத்தளை நகர அரசியல்வாதிகள் அழுத்தம் கொடுப்பதாக தெரிவிக்கப்படுகிறது.