எனது ஆட்சிக்காலத்தில் முஸ்லிம்கள் மீது தவறிழைக்கப்பட்டுள்ளதை ஏற்கிறேன்

ஆனால் அதை நான் செய்யவில்லை என்கிறார் மஹிந்த
எனது ஆட்சிக் காலத்தில் முஸ்­லிம்­க­ளுக்கு எதி­ராக ஒரு சில தவ­றுகள் இடம்­பெற்­றுள்­ளதை நான் ஏற்றுக் கொள்­கிறேன். அது நான் செய்த தவ­று­க­ளல்ல. எனது பெயரைக் கூறி இடம்­பெற்ற தவ­றுகள். 



அவ்­வா­றான தவ­று­க­ளுக்கு எதிர்­கா­லத்தில் ஒரு போதும் இட­ம­ளிக்­க­மாட்டேன் என உறு­தி­ய­ளிக்­கிறேன்.

இந்­நாட்டில் முஸ்­லிம்­க­ளையும் ஏனைய சமூ­கத்­தி­னரைப் போல் தலை­நி­மிர்ந்து வாழ­வழி சமைப்­பதே எனது இலக்­காகும் என முன்னாள் ஜனா­தி­ப­தியும் ஐக்­கிய மக்கள் சுதந்­திரக் கூட்­ட­மைப்பின் குரு­ணாகல் மாவட்ட வேட்­பா­ள­ரு­மான மஹிந்த ராஜ­பக்ஷ தெரி­வித்தார்.

கடந்த சனிக்­கி­ழமை மஹிந்த ராஜ­பக்ஷ குரு­ணாகல் மாவட்ட முஸ்லிம் சமூ­கத்தை  குரு­ணாகல் வில்­கொ­டவில் சந்­தித்தார். குரு­ணாகல் மாந­கர சபை உறுப்­பி­னரும் ஸ்ரீ  லங்கா சுதந்­திரக் கட்­சியின் அமைப்­பா­ள­ரு­மான அப்துல் சத்­தாரின் தலை­மையில் நடை­பெற்ற குறிப்­பிட்ட கூட்­டத்தில் கலந்து கொண்டு உரை நிகழ்த்­து­கை­யி­லேயே அவர் மேற்­கண்­ட­வாறு கூறினார்.

அவர் தொடர்ந்தும் உரை நிகழ்த்­து­கையில் தெரி­வித்­த­தா­வது;
‘முஸ்­லிம்கள் எதிர்­வரும் பொதுத் தேர்­தலில் சிந்­தித்து செயற்­பட வேண்டும். நாட்­டுக்கு விரோ­த­மாக செயற்­ப­டக்­கூ­டாது. ஐக்­கிய தேசியக் கட்சி இப்­போது பொய்ப் பிர­சா­ரங்­களைச் செய்து வரு­கி­றது.

இன­வாதக் கருத்­துக்­களைப் பரப்பி வரு­கி­றது. முஸ்­லிம்­களின் விரோதி ரணில் விக்­கி­ர­ம­சிங்­கவே. நானல்ல, சர்­வ­தேச முஸ்­லிம்­க­ளி­னதும் எதி­ரி­யான அமெ­ரிக்­கா­வுடன் சேர்ந்து ரணில் செயற்­பட்டு வரு­கிறார்.

ஆனால் நான் அரபு நாடு­க­ளுடன் இருக்­கிறேன். பலஸ்­தீ­னத்தின் நண்­ப­ராக இருக்­கிறேன். ஜெனீ­வாவில் முஸ்லிம் நாடுகள் எமக்கே ஆத­ரவு வழங்­கின. இவற்றை  ஒரு­போதும் நான் மறந்து விட­வில்லை. நான் நன்றிக் கட­னுள்­ளவன்.

ஆனால் முஸ்­லிம்கள் மத்­தியில் என்னைப் பற்றி தவ­றான பிர­சா­ரங்­களை ஐக்­கிய தேசியக் கட்சி முன்­னெ­டுத்து வரு­கி­றது.

முஸ்­லிம்­க­ளுக்கு எதி­ராக செயற்­பட்ட இன­வாதக் கருத்­துக்­களைப் பரப்­பிய பகி­ரங்­க­மாக முஸ்­லிம்­களை எதிர்த்து வந்த சம்­பிக்க போன்ற இன­வா­திகள் இன்று ஐக்­கிய தேசியக் கட்­சி­யுடன் கூட்டுச் சேர்ந்­துள்­ளார்கள்.

அதனால் முஸ்­லிம்­களின் நண்பன் யார் என்­பதை நீங்கள் புரிந்து கொள்ள வேண்டும். எதிர்­வரும் எனது ஆட்­சியில் முஸ்­லிம்­க­ளுக்கு எந்­த­வித கஷ்­டமும் இடம்­பெற இடம் கொடுக்க மாட்டேன். 

இன்று முஸ்­லிம்­களின் வர்த்­த­கத்­துக்கு மாத்­தி­ர­மல்ல, ஏனைய இனத்­த­வ­ரதும் வர்த்­த­கத்­துக்கு அடி வீழ்ந்­துள்­ளது. பாதிப்­பேற்­பட்­டுள்­ளது. முஸ்­லிம்­களின் பிர­தான பொரு­ளா­தாரம் வர்த்­த­கத்­தி­லேயே தங்­கி­யுள்­ளது.

ஐக்­கிய தேசியக் கட்சி இதனை திட்­ட­மிட்டு சிதைத்து வரு­கி­றது. ஐக்­கிய தேசியக் கட்­சியின் பொய்ப் பிர­சா­ரங்­க­ளுக்கு உள்­ளா­கி­யி­ருக்கும் நீங்கள் எனக்கு வாக்­க­ளிப்­பீர்­களோ தெரி­யாது. (கூட்­டத்தில் கலந்து கொண்­டிந்­த­வர்கள் உங்­க­ளுக்­குத்தான் வாக்கு, நீங்கள் தான் பிர­தமர் என குரல் எழுப்­பி­னார்கள்).

இந்­நாட்டில் முஸ்­லிம்கள் ஏனைய இனத்­த­வ­ருடன் ஒற்­று­மை­யாக வாழ வேண்டும். அப்­போ­துதான்  முஸ்­லிம்­ச­மூ­கமும் நாடும் எழுச்சி பெறும். அவ்­வா­றான ஒரு சூழலை உரு­வாக்­கு­வ­தாக நான் உறு­தி­ய­ளிக்­கிறேன். சம­யங்­க­ளுக்கு எதி­ரான செயற்­பா­டு­க­ளுக்கு முடிவு கட்­டப்­படும்.

நாட்டின் அபி­வி­ருத்­திகள் இன்று முடக்­கப்­பட்டு விட்­டன. 58 ஆயிரம் கிரா­மியத் திட்­டங்கள் செய­லி­ழக்கச் செய்யப்பட்டுள்ளன. 15 இலட்சம் பேர் தொழில்களை இழந்துள்ளார்கள். ஐக்கிய தேசியக் கட்சியின் தேர்தல் விஞ்ஞாபனத்தில் பொய் வாக்குறுதிகள் வழங்கப்பட்டுள்ளன.

நாடும் நாட்டு மக்களும் முஸ்லிம் சமுதாயமும் இன்றிருக்கும் மோசமான நிலைக்கும் கீழான நிலைக்கும் தள்ளப்படுவதற்கு ஒருபோதும் இடமளிக்கக் கூடாது என்றார்.