இலங்கை தம்பதி திருச்சியில் தற்கொலை முயற்சி

திருச்சி மத்திய சிறையில் உள்ள சிறப்பு முகாமில் இலங்கையைச் சேர்ந்த தம்பதியர் தூக்க மாத்திரை சாப்பிட்டு தற்கொலைக்கு முயன்ற சம்பவம் பெரும் பரபரப்பை ஏற்படுத்தியது.

இலங்கையைச் சேர்ந்த மகேஸ்வரன் (35) போலி பாஸ்போர்ட் வைத்திருந்த குற்றத்துக்காக கைது செய்யப்பட்டு சிறப்பு முகாமில் அடைக்கப்பட்டுள்ளார்.

இந்த நிலையில், சென்னையில் வசித்து வந்த அவரது மனைவி பிரசாந்தி (30) அவரைக் காண நேற்று காலை திருச்சி வந்து முகாமில் அவரை சந்தித்தார்.

சில நிமிடங்களில் இருவரும் மயங்கிய நிலையில் கீழே விழுந்து கிடந்தனர். உடனடியாக அவர்களை மீட்டு வைத்தியசாலையில் அனுமதிக்கப்பட்டுள்ளனர்.