வெலி­ஓயாவில் 6000 ஏக்கர் காடு அழிக்கப்பட்டு சிங்­களக் குடும்­பங்கள் குடி­யேற்­றப்­பட்­ட போது ,,,!!

வெலி­ஓயா சிலா­வ­கஸ்­வெவ பிர­தே­சங்­களின் காடு­க­ளுக்கு சொந்தமான 6000 ஏக்கர் பிரதேசம் அழிக்கப்பட்டு 6000க்கும் மேற்­பட்ட சிங்­களக் குடும்­பங்கள் குடி­யேற்­றப்­பட்­டன. இதன் போது சூழலியலாளர்கள் எங்கே இருந்­தார்கள். பௌத்த மத குருமார், சிங்கள ஊட­கங்கள் என்ன செய்­தன எனக் கேள்­வி­யெ­ழுப்பும் அமைச்சர் ரிஷாட் பதி­யுதீன் பௌத்த குரு­மாரை மதிக்கும் எமது பண்பை பலவீனமாகக்­க­ருதக் கூடாது என்றும் தெரி­வித்தார்.

கொழும்பு நவம் மாவத்­தை­யி­லுள்ள ஏற்­ற­ுமதி அபி­வி­ருத்தி சபை கேட்போர் கூடத்தில் நேற்று புதன்கிழமை இடம்­பெற்ற ஊடகவியலாளர் மாநாட்டில் உரை­யாற்­றும்­போதே கைத்­தொழில் மற்றும் வாணிப அமைச்சர் ரிஷாட் பதி­யுதீன் இவ்­வாறு தெரிவித்தார்.

அமைச்சர் இங்கு மேலும் உரை­யாற்­று­கையில், சிலா­வ­கஸ்­வெவ வெலி­ஓயா பிர­தே­சங்­களில் முன்னாள் பாது­காப்பு செய­லாளர் கோத்தபாய ராஜ­ப­க் ஷவின் ஆத­ர­வுடன் இராணுவத்தினர் அங்­குள்ள காடு­களை அழித்து 6000க்கும் மேற்­பட்ட சிங்­கள மக்­களை வேறு பிர­தே­சங்­க­ளி­லி­ருந்து கொண்டு வந்து குடியேற்றியது.

இதன் போது காடுகள் மீது சூழல் மீதும் அக்­க­றை­கொண்ட சூழலியலா­ளர்கள் எங்­கி­ருந்­தார்கள்?

பௌத்த குருமார் என்ன செய்­தார்கள்? அமை­தி­யாக இருந்துள்ளார்கள்.

முஸ்­லிம்கள் பௌத்த குருமார் மீது மதிப்பும் மரி­யா­தையும் வைத்­தி­ருக்­கின்­றனர்.ஆனால் முஸ்லிம்களின் அந்தப் பண்பை பல­வீ­ன­மாக எங்கும் கரு­தக்­கூ­டாது.வில்­பத்து காடு இந்­நாட்டில் வாழும் அனைத்து இன மக்­க­ளி­னதும் தேசிய சொத்­தாகும்.முஸ்­லிம்­களும் இதனை பாது­காக்கக் கடமைப்பட்டவர்கள்.எனவே ஒரு போதும் வில்­பத்து காடு அழிக்­கப்­ப­டவும் இல்லை, அங்கு முஸ்­லிம்கள் குடி­யேற்­றப்­ப­டவும் இல்லை.

அவர்கள் 1990களில் பரம்­ப­ரை­யாக வாழ்ந்த மறிச்­சுக்­கட்டி, பாலக்­குழி, கர­டிக்­குழி, போன்ற கிரா­மங்­களில் இடம்­பெ­யர்ந்த முஸ்­லிம்கள் தான் மீளக் குடி­யேற்­றப்­பட்­டுள்­ளனர்.வாக்­காளர் இடாப்பை பரி­சோ­தித்து பார்த்தால் இந்த உண்­மை­களை தெரிந்து கொள்­ளலாம்.

ஆனால் இன்று பௌத்த குரு­மாரும் பெரும்­பான்மை இன ஊட­கங்­களும் இணைந்து முஸ்­லிம்­களை காடழிக்கும், காணி­களை சூறை­யாடும் சமூ­க­மாக காட்ட முயல்­கி­ன்றனர்.ஜனா­தி­ப­தியோ அல்­லது பிரதமரோ எந்த ராஜா­வாக இருந்­தாலும் இவ்­வி­ட­யத்தில் உண்­மைக்கு புறம்­பான கருத்­துக்­களை கூறுவதை ஏற்­று­கொள்ள மாட்டோம்.

பாகிஸ்தான், பங்­க­ளாதேஷ் நாடு­க­ளி­லி­ருந்து முஸ்­லிம்கள் குடி­யேற்­றப்­பட்­டுள்­ளனர் என பிர­சாரம் செய்கின்­றனர். இவ்­வாறு பொய்­யான பிர­சா­ரங்­களை முன்­னெ­டுத்து சிங்­கள முஸ்லிம் இனக்­க­ல­வ­ரத்தை ஏற்­ப­டுத்­து­வதே இன­வாதச் சக்­தி­களின் நோக்­க­மாகும்.

இடம்­பெ­யர்ந்த மக்­க­ளுக்கு கொட்­டில்­களை அமைத்துக் கொள்­வ­தற்­காக வேனும் அரசு நிதி­யு­த­விகள் வழங்­க­வில்லை.எனவே தான் அரச சார்­பற்ற உத­வி­களை நாடினோம். கட்டார் உட்­பட மத்­திய கிழக்கு நாடு­களும் உத­வின.இந்­தி­யாவும் வீட்டுத் திட்­டத்தை அமைத்துக் கொடுத்­தது. ஆனால் அதிலும் எமது மக்­க­ளுக்கு நியா­ய­மான முறையில் வீடுகள் கிடைக்­க­வில்லை.

எனவே முஸ்­லிம்­களின் மீள் குடி­யேற்றம் தொடர்­பாக இன­வாதச் சக்­திகள் முன்­னெ­டுக்கும் பிர­சா­ரங்கள் நிறுத்­தப்­பட வேண்டும்.ஜனா­தி­ப­தியும் பிர­தமரும் இது தொடர்­பாக உண்மைத் தன்­மையை பகி­ரங்­க­மாக வெளி­யிட வேண்டும். இதன்­மூலம் முஸ்­லிம்­க­ளுக்கு எதி­ராக இன­வா­தத்­திற்கு தடை­போட வேண்டும்.

தற்­போது கஸ்­வெவ காட்டில் முஸ்­லிம்கள் குடி­யேற்றம் என்ற புதுக்­கதை ஆரம்­பிக்­கப்­பட்­டுள்­ளது. அங்கு காடு இல்லை, பாலம் தான் இருக்­கின்­றது. அதில் ஓடும் தண்ணீர் கட­லுக்குச் செல்­கி­றது.இவ்­வாறு முஸ்லிம்­க­ளுக்கு எதி­ராக பல கோணங்­களில் இன­வாதம் முன்­னெ­டுக்­கப்­ப­டு­கின்­றது.

அத்­தோடு மறிச்­சுக்­கட்டி உட்­பட மக்கள் வாழ்ந்த 6550 ஹெக்­டேயர் நிலத்தை 2012 ஆம் ஆண்டில் வில்­ பத்து காடு என வரை­ய­றுத்து வர்த்­த­மானி அறிவித்தல் வெளியிடப் பட்டுள்ளது. எனவே இதற்கு எதிராக அங்கு வாழ்ந்த மக்கள் நீதிமன்றம் செல்ல வுள்ளனர்.

முஸ்லிம்களின் மீள்குடியேற்றம் தொடர்பான பொய்ப் பிரசாரங்கள் இல்லாதொழிந்து உண்மைகள் வெளி
வரட்டும் என அனைத்து முஸ்லிம் களும் எதிர்வரும் வெள்ளிக்கிழமை பள்ளிவாசல்களில் துஆப் பிரார்த் தனை செய்ய வேண்டு மென்றும் அமைச்சர் ரிஷாட் பதியுதீன் தெரிவித்தார்.