ஸ்ரீ.சு.கட்சியின் மத்திய செயற்குழுவில் இருந்து ரோஹித்த அபேகுணவர்தன நீக்கம்

ஸ்ரீ லங்கா சுதந்திரக் கட்சியின் மத்திய செயற்குழுவில் இருந்து பாராளுமன்ற உறுப்பினர் ரோஹித்த அபேகுணவர்தனவும் நீக்கப்பட்டுள்ளார்.

கட்சியின் மத்திய செயற்குழுவில் இருந்து நீக்கப்பட்டதை அறிவிக்கும் கடிதம் இன்று (16) முற்பகல் முன்னாள் அமைச்சரான ரோஹித்த அபேகுணவர்தனவிற்கு கிடைத்துள்ளது.

மத்திய செயற்குழுவில் நிறைவேற்றப்பட்ட தீர்மானங்களுக்கு மாறாக செயற்பட்டதால் அங்கத்துவம் இரத்துச் செய்யப்பட்டதாக கட்சியின் தலைவர் என்ற வகையில் ஜனாதிபதி கையெழுத்திட்டுள்ள கடிதத்தில் குறிப்பிடப்பட்டுள்ளது.

பாராளுமன்ற உறுப்பினர்களான பந்துல குணவர்தன, ரி.பீ.ஏக்கநாயக்க, எஸ்.எம்.சந்திரசேன மற்றும் சாலிந்த திசாநாயக்க ஆகியோர் ஏற்கனவே ஸ்ரீ லங்கா சுதந்திரக் கட்சியின் மத்திய செயற்குழுவில் இருந்து நீக்கப்பட்டுள்ளனர்.