ஆசிரியரை கொலை செய்ய முயன்ற 14வயது மாணவன்

பிரித்தானியாவில் ஆசிரியர் ஒருவர் கத்தியால் குத்தப்பட்ட வழக்கில் சந்தேகத்தின் அடிப்படையில் 14 வயது மாணவரை பொலிசார் கைது செய்தனர்
பிரித்தானியாவின் பிராட்ஃபொர்ட் பகுதியில் உள்ள டிஸொன்ஸ் கிங்ஸ் அகாதமி பள்ளியில் ஆசிரியராக பணியாற்றுபவர் வின்செண்ட் உஷொமா.
இந்நிலையில் பள்ளி வளாகத்தில் வயிற்றில் கத்தியால் குத்தப்பட்ட நிலையில் கிடந்துள்ளார்.
உடனடியாக அவர் மருத்துவமனையில் அனுமதிக்கப்பட்டார்.
அவரை பரிசோதித்த மருத்துவர்கள் அவரது உயிருக்கு ஆபத்து இல்லை என்று தெரிவித்துள்ளனர்.

இந்நிலையில் இந்த வழக்கு தொடர்பாக பொலிசார் விசாரணை நடத்தினர்.
அதில் வின்செண்ட் மாணவர் ஒருவர் மொபைல் போன் வைத்திருந்ததாக கூறி திட்டியதாக கூறப்படுகிறது.
எனவே இந்த கொலை முயற்சியில் அந்த மாணவருக்கு தொடர்பு இருக்கலாம் என்று பொலிசார் சந்தேகப்படுகின்றனர்.
இந்நிலையில் பள்ளியில் இருந்து தப்பிசென்ற அந்த மாணவரை கைது செய்த பொலிசார் அவரிடம் விசாரணை நடத்திவருகின்றனர்.