சிறிலங்கா சுதந்திர கட்சியின் முக்கிய கூட்டம் இன்று

சிறிலங்கா சுதந்திர கட்சியின் விஷேட நாடாளுமன்ற குழு கூட்டம் ஒன்று இன்று மாலை நடைபெறவுள்ளது.

ஜனாதிபதி செயலகத்தில் நடைபெறவுள்ள இந்த கூட்டத்துக்கு, ஜனாதிபதி மைத்திரிபால சிறிசேன தலைமை தாங்கவுள்ளார்.

19வது அரசியலமைப்பு சீர்த்திருத்தம், தேர்தல் முறைமை சீர்த்திருத்தம் ஆகியவை தொடர்பில் இதன் போது கலந்துரையாடப்படவுள்ளன.

19வது அரசியலமைப்பு சீர்த்திருத்திற்கு ஆதரவாக வாக்களிக்கவுள்ளதாக அண்மையில் கூடிய சிறிலங்கா சுதந்திர கட்சியின் மத்திய செயற்குழு மற்றும் நிறைவேற்று குழு கூட்டத்தில் தீர்மானிக்கப்பட்டிருந்தது.

எனினும், சில விடயங்கள் தொடர்பில் திருத்தங்களை முன்வைக்க அவர்கள் எதிர்பார்த்துள்ளதாக தெரிவிக்கப்பட்டுள்ளது.

இந்த நிலையிலேயே இன்றைய கூட்டம் நடைபெறவுள்ளது.

19ம் திருத்தச் சட்டம் நாளையதினம் நாடாளுமன்றத்தில் விவாதத்துக்கு எடுத்துக் கொள்ளப்படவுள்ளமை குறிப்பிடத்தக்கது.