பசறை வீதியில் தனியார் பஸ் குடைசாய்ந்தது: 37 பேர் காயம்

மடுல்சீமை – பசறை வீதியில் இன்று நண்பகல் தனியார் பஸ் ஒன்று குடைசாய்ந்ததில் 37 பேர் காயமடைந்துள்ளனர்.

குருவிகலயில் இருந்து பசறை நோக்கிப் பயணித்த பஸ் ஒன்றே 4 ஆம் கட்டை பகுதியில் விபத்துக்குள்ளானதாக எமது பிராந்திய செய்தியாளர் தெரிவித்தார்.

விபத்தில் காயமடைந்த 37 பேரும் பசறை வைத்தியசாலையில் அனுமதிக்கப்பட்டுள்ளனர்.

அவர்களில் 23 பெண்களும் அடங்குவதாக பொலிஸார் தெரிவித்துள்ளனர்.

விபத்து தொடர்பிலான மேலதிக விசாரணைகளை பசறை பொலிஸார் மேற்கொண்டு வருகின்றனர்.