44 வரு­டங்­களில் 40 கோடி ரூபா பெறு­ம­தி­யான பொருட்­களை திரு­டிய பெண்!

கடை­களில் பொருட்­களை திரு­டி­ய­வர்கள் பற்­றிய செய்­திகள் புதி­ய­வை­யல்ல. ஆனால், பிரிட்டனைச் சேர்ந்த பெண்­ணொ­ருவர் கடை­களில் திரு­டு­வ­தையே பல தசாப்­தங்­க­ளாக தனது தொழி­லாக மேற்­கொண்டு வந்­துள்ளார். 54 வய­தான கிம் பெரி எனும் இப்பெண் கடை­களில் திரு­டிய பொருட்­களின் மதிப்பு சுமார் 20 லட்சம் ஸ்ரேலிங் பவுண்கள் (சுமார் 40 கோடி ரூபா) எனத் தெரி­விக்­கப்­ப­டு­கி­றது. 9 வயதில் திருட ஆரம்­பித்த கிம் பெரி, 44 வரு­டங்­க­ளாக திருட்­டு­களில் ஈடு­பட்டு சிறைச்­சா­லைக்கும் பல தடவை சென்­றுள்­ளார். தனது 6 பிள்­ளை­களில் சில­ரையும் திரு­டு­வ­தற்கு பழக்­கப் ப­­­டுத்­திய அவர், 14 வய­தான தனது கடைசி மக­ளுக்­காக திரு­டு­வதை கைவிட்­டுள்­ளாராம்.

9 வய­தான போது வீட்டில் உணவு இல்­லாத நிலையில் கடையில் திருட ஆரம்­பித்­தாராம் கிம் பெரி. பின்னர் உணவுப் பொருட்­களை மாத்­தி­ர­மல்­லாமல் ஆடம்­பர பொருட்­க­ளையும் அவர் திருட ஆரம்­பித்துள்ளார். இது குறித்து கிம் பெரி கூறு­கையில், "எனக்கு 54 வய­தா­கி­றது. 44 வரு­டங்­க­ளாக திருட்டில் ஈடு­பட்டேன். இதில் எனது ஆறு குழந்­தை­க­ளையும் ஈடு­ப­டுத்­தி­யுள்ளேன், 50 இற்கு மேற்­பட்ட தடவை திருடும் போது பிடி­பட்டு 7 தட­வைக்கு மேல் சிறை சென்­றுள்ளேன். 40 வரு­டங்­க­ளுக்கும் மேலாக ஆடம்­ப­ர­மாக வாழ்ந்­தி­ருக்­கிறேன். வாரத்தில் 4 நாட்கள் ஐந்து நட்­சத்­திர விடு­தியில் சாப்­பி­டுவேன். எங்கு போனாலும் டெக்­ஸி­யில்தான் போவேன். நான் சிறையில் இருந்­த­போது எனது மூத்த பிள்­ளைகள் மூவரும் எனது தந்­தை­யு­டனும் அவரின் காத­லி­யு­டனும் வசிக்கச் சென்­று­விட்­டனர். 14 வய­தான எனது கடைசி மக­ளுக்­காக கடந்த சில வாரங்­க­ளாக எதையும் திரு­ட­வில்லை. எனது குற்­றங்­க­ளுக்­காக அவள் தண்­டிக்­கப்­ப­டக்­கூ­டாது என்­ப­தற்­காக திரு­டு­வதை நிறுத்­து­வ­தற்கு நான் விரும்­பு­கிறேன்" எனத் தெரி­வித்­துள்ளார்.