நீச்சல் உடையில் இருந்த கருப்பின பெண்ணை கொடூரமாக தாக்கிய வெள்ளையின பொலிஸ் (வீடியோ இணைப்பு)

அமெரிக்காவில் கருப்பின பெண் ஒருவரை பொலிசார் தாக்கும் வீடியோ வெளியாகியுள்ளது மக்கள் மத்தியில் அதிர்ச்சியை ஏற்படுத்தியுள்ளது.
அமெரிக்காவின் டெக்சாஸ் மாநிலத்தில் உள்ள மெக்கின்னி நகர பொலிசாருக்கு , கிரைக் ராஞ்ச் என்ற இடத்திற்கு அருகே சிலர் பொதுமக்களுக்கு இடையூறு செய்வதாக புகார் வந்தது.
உடனடியாக சம்பவ இடத்திற்கு விரைந்த சென்ற பொலிசாரில் ஒருவர் அங்கு நீச்சல் உடையில் இருந்த பெண்ணை அடித்து துவைத்துள்ளார்.

இதைத் தடுக்க வந்த வாலிபர்களிடம் துப்பாக்கியை காட்டி மிரட்டியுள்ளார்.
இந்த சம்பவத்தை அங்கிருந்த ஒருவர் தனது செல்போனில் படம்பிடித்து அதை யூ-டியூபில் பதிவேற்றியுள்ளார்.
இந்த வீடியோ வேகமாக பரவியதையடுத்து நாடு முழுவதும் அந்த பொலிஸ் அதிகாரிக்கு எதிராக கடும் எதிர்ப்பு கிளம்பியது.
இதனைத் தொடர்ந்து அந்த பொலிஸ் தற்காலிக பணிநீக்கம் செய்யப்பட்டுள்ளார்.