ஆசிஷ் நெஹ்ராவைப் பாராட்டிய தோனி

நேற்று (22) இடம்பெற்ற லீக் போட்டியில் சென்னை சுப்பர் கிங்ஸ் வீரர் ஆசிஷ் நெஹ்ரா அபாரமாகப் பந்து வீசியமைக்காக தோனி தனது பாராட்டுக்களைத் தெரிவித்துள்ளார்.

8 ஆவது ஐபிஎல் போட்டியின் நேற்றைய லீக் போட்டியில் சென்னை சுப்பர் கிங்ஸ் – ரோயல் சேலஞ்சர்ஸ் பெங்களூர் ஆகிய அணிகள் மோதின.

இதில் சென்னை அணி 181 ஓட்டங்களைப் பெற்றது. பின்னர் தங்களது இன்னிங்சைத் தொடங்கிய பெங்களூர் அணி வெறும் 154 ஓட்டங்களே பெற்றது.

சென்னை அணி 27 ஓட்டங்கள் வித்தியாசத்தில் அபார வெற்றி பெற்றது.

களத்தில் சென்னை வீரர் ஆசிஷ் நெஹ்ராவின் பந்து வீச்சு மிக அபாரமாக இருந்தது. அவர் 10 ஓட்டங்கள் மட்டுமே கொடுத்து 4 விக்கெட்டுகளை வீழ்த்தினார்.

இதுகுறித்து தோனி கூறுகையில், போட்டியில் டி வில்லியர்ஸின் ரன் அவுட் முக்கிய திருப்புமுனையாக அமைந்தது. பந்துவீச்சாளர் ஆசிஷ் நெஹ்ரா மிகவும் அற்புதமாக செயல்பட்டது மகிழ்ச்சி அளிக்கிறது என்றார். அடுத்து வரும் 25 ஆம் திகதி சென்னை அணி பஞ்சாப்பை சேப்பாக்கம் மைதானத்தில் சந்திக்கவுள்ளமை குறிப்பிடத்தக்கது.