ஹட்டனில் வீடொன்றின் மீது மரம் வீழ்ந்ததில் எட்டு பேர் காயம்

ஹட்டன் – திம்புலப்பத்தனை டிரேட்டன் தோட்டத்தில் வீடொன்றின் மீது மரம் பெயர்ந்து வீழ்ந்ததில் எட்டு பேர் காயமடைந்துள்ளனர்.

காயமடைந்தவர்கள் கொட்டகலை வைத்தியசாலையில் அனுமதிக்கப்பட்டுள்ளதாகவும், அவர்களில் ஒருவர் மேலதிக சிகிச்சைகளுக்காக நாவலப்பிட்டி வைத்தியசாலைக்கு மாற்றப்பட்டுள்ளதாகவும் பொலிஸார் தெரிவித்தனர்.

டிரேட்டன் தோட்டத்திலுள்ள வீடொன்றிற்கு அருகிலுள்ள பாரிய மரமொன்றே இன்று அதிகாலை 1.45 அளவில் பெயர்ந்து வீழ்ந்துள்ளது.

இதன்போது வீட்டிற்குள் இருந்தவர்கள் காயமடைந்துள்ளதாக பொலிஸார் கூறினர்.