நாம் கேட்பது இதுதான் – பொதுபலசேனா

சிங்­கள பௌத்த நாட்டில் எ

தற்­காக தமிழ் மொழியில் தேசிய கீதம் பாட­வேண்டும்? 8 கோடி தமி­ழர்கள் வாழும் இந்­தி­யாவில் கூட தமிழில் தேசிய கீதம் பாடப்படுவதில்லை என்று பொது­பல சேனா அமைப்­பின் செயலாளர் கலகொட அத்தே ஞானசார தேரர் தெரிவித்தார்.

இன்று தமிழில் தேசிய கீதம் கேட்­ப­வர்கள் நாளை தமிழ் தேசத்­தினை கேட்­பார்கள் எனவும் அவர் குறிப்பிட்டார்.பொது­பல சேனா அமைப்­பினால் நேற்று கொழும்பில் ஏற்­பாடு செய்­யப்­பட்­டி­ருந்த செய்­தி­யாளர் சந்­திப்பில் கலந்து கொண்­டி­ருந்த போதே அவ்­வ­மைப்பின் பொதுச்­செ­ய­லாளர் கல­கொட அத்தே ஞான­சார தேரர் மேற்­கண்­ட­வாறு தெரி­வித்தார்.

அவர் மேலும் குறிப்­பிட்­டதாவது,

இலங்­கையின் அர­சியல் அமைப்­பினுள் அரச கரும நிகழ்­வு­களில் தமிழ்­மொழி மூலம் தேசிய கீதத்­தினை இசைப்பது அங்­கீ­க­ரிக்­கப்­ப­ட­வில்லை. எனினும் தற்­போது தமிழ்­மொ­ழியில் தேசிய கீதம் பாடப்படவேண்டுமென்று புதிய கருத்­தினை முன்­வைத்து வரு­கின்­றனர். நாம் கேட்­பது என்­ன­வெனின் பௌத்த சிங்­கள நாட்டில் எதற்­காக தமிழ் மொழியில் தேசிய கீதம் பாடப்படவேண்டும் என்பதாகும். இங்கு பௌத்த கொள்­கை­க­ளையும் உரி­மை­களையும் மதிக்­க­வேண்டும்.

எமது அயல் நாடான இந்­தி­யாவில் பல மாநி­லங்கள் உள்­ளன. தமிழ் நாட்டின் 8 கோடிப்பேர் வாழ்­கின்­றனர். அதேபோல் வெவ்­வேறு மொழி­பேசும் மக்கள் வாழ்­கின்­றனர். ஆனாலும் இந்­தி­யாவில் எல்லா மாநி­லங்­க­ளிலும் எந்த நிகழ்­வா­னாலும் அங்கு ஒரு மொழியில் மட்­டுமே தேசிய கீதம் பாடப்படும். இந்­தி­யாவில் அவ்­வா­றான­தொரு நிலைமை இருக்­கையில் இலங்­கையில் மட்டும் ஏன் இரு மொழி­களில் தேசிய கீதம் பாடப்படவேண்டும். இலங்­கையில் எப்­போதும் ஒரு மொழியில் தேசிய கீதம் இசைக்கப்படவேண்டும் என்­பது கட்­டா­ய­மாக்­கப்­பட வேண்டும்..

மேலும் இன்று தமிழ்­மொழி மூலம் தேசிய கீதம் பாட­வேண்டும் என கேட்கும் தமிழ் பிரி­வி­னை­வா­திகள் நாளை தமிழ் தேசத்­தி­னையே கேட்­பார்கள். எனவே இச்­செ­யற்­பா­டு­க­ளுக்கு ஒரு போதும் இடம் கொடுக்க கூடாது.

அதேபோல் அண்­மையில் சிகி­ரி­யாவில் புரா­தான சின்­னங்­களை சேதப்­ப­டுத்­திய குற்­றச்­சாட்டில் தமிழ் யுவதி ஒருவர் கைது செய்­யப்­பட்ட விடயம் தொடர்பில் நாம் எமது எதிர்ப்­பினை வெளிப்­ப­டுத்­து­கின்றோம். தமிழ் சிறு­மிக்கு சிங்­கள பாஷையை வாசிக்க கடி­ன­மாக இருந்­தி­ருக்­கலாம். அதேபோல் யுவதியின் குடும்பம் மிகவும் வறு­மை­யா­னது.இவ்­வா­றா­ன­தொரு நிலை­மையில் அப்­பாவி யுவதியை­ கைது செய்­வது மனி­தா­பி­மா­னத்­திற்கு அப்­பாற்­பட்ட செயற்­பா­டாகும். இவ்­வா­றான தவ­றுகள் நடை­பெ­று­வதை தடுக்க வேண்டும் இவை சிங்­கள மக்­களின் சொத்­துக்கள் மட்­டு­மல்ல இது தமிழ், முஸ்லிம் மக்­க­ளி­னதும் உரி­மைகள், எனவே அதை அனை­வரும் ஒன்றிணைந்து பாதுகாக்க வேண்டியது அவசியமாகும்.

எனினும் ஒரு யுவதியை கைது செய்து சிறையில் அடைப்பது கண்டிக்கத்தக்க விடயம். எனவே உடனடியாக ஜனாதிபதி மைத்திரிபால சிறிசேன இந்த யுவதியை விடுதலை செய்து சமூகத்தில் ஒப்படைக்க வேண்டும் எனவும் அவர் தெரிவித்தார்