இளவரசர் வில்லியம் சீனா வருகை : யானை தந்தம் இறக்குமதிக்கு ஓராண்டு தடை

சீனாவில் இயங்கி வரும் தந்தம் செதுக்கும் கம்பெனிகளுக்கு, ஆப்ரிக்க நாடுகளில் இருந்து யானை தந்தங்கள் இறக்குமதி செய்யப்பட்டு வருகிறது.

இந்த நிலையில், யானை தந்த வர்த்தகத்துக்கு கடுமையான எதிர்ப்பை தெரிவித்து வரும் இங்கிலாந்து இளவரசர் வில்லியம்ஸ், சீனா வரவுள்ளதை முன்னிட்டு ஓராண்டுக்கு யானை தந்தம் இறக்குமதிக்கு அந்நாட்டு அரசு தடை விதித்துள்ளது.

சீனாவின் இந்த முடிவால் ஆப்ரிக்க யானைகள் பாதுகாக்கப்படுவதுடன், இந்த ஓராண்டு தடைக் காலத்துக்குப் பிறகு ஆப்ரிக்க நாடுகளில் உள்ள யானைகளின் புள்ளி விவரம் குறித்து ஆய்வு செய்யவும் வசதியாக இருக்கும் என சமூக ஆர்வலர்கள் கருத்துத் தெரிவித்துள்ளனர்.