சிறுமிக்கு இரண்டு மாத சிறை , 1500 டொலர் அபராதம் : ஆக்கிரமிப்பு இஸ்ரேலின்மற்றுமொரு சாதனை

பலஸ்தீன் மேற்கு கரை பிரதேசத்தில் சியோனிச ஆக்கிரமிப்பு குடியேற்றக்காரர்கள் சென்ற கார்கள் மீது கற்களை வீசி தனது எதிர்ப்பை தெரிவித்த 14 வயது சிறுமி மீது  2 மாத சிறைத் தண்டனையையும் 1500 அமெரிக்க டொலர் அபராதத்தையும் விதித்து  இஸ்ரேலிய இராணுவ நீதிமன்றம் தீர்பளித்துள்ளது

மேற்கு கரை­யி­லுள்ள பெரின் நகரை சேர்ந்த மாலக் அல்- – காடிப் என்ற சிறு­மிக்கே மேற்­படி தண்­டனை விதிக்­கப்­பட்­டுள்­ளது. இந்த சிறுமி தமது பூர்வீக நிலத்தில்   ஆக்கிரமிப்பு செய்து குடியேறிவரும் சியோனிச யூத ஆக்கிரமிப்பு குடியிருப்பாளர்கள் மீது கற்களை வீசி எதிர்ப்பு தெரிவித்தமைகே இந்த கடுமையான தண்டனை வழங்கப்பட்டுள்ளது

ஆக்கிமிப்புக்களுக்கு எதிராக தமக்கு முடிந்த வகையில் எதிர்ப்பை காட்டும்   இளை­ஞர்­க­ளுக்கு எதி­ரான இஸ்­ரேலின் மிதமிஞ்­சிய நட­வ­டிக்­கை­யாக இது உள்­ள­தாக பலஸ்­தீ­னர்கள் குற்­றஞ்­சாட்­டு­கின்­றனர்.

ஆக்கிரமிப்பு இஸ்­ரே­லிய அதி­கா­ரி­களால் கடந்த மாதம் கைது செய்­யப்­பட்ட மாலக் –- அல் காடிப் இஸ்­ரே­லால் தடுத்து வைக்­கப்­பட்டு தண்­டனை விதிப்­புக்­குள்­ளான சிறு­மி­களில் இவளும் உள்ளடக்கப்படுகிறார்

கடந்த டிசம்பர் 31 ஆம் திகதி இஸ்­ரே­லி­யர்­க­ளாலும் பலஸ்­தீ­னர்­க­ளாலும் பயன்­ப­டுத்­தப்­படும் மேற்­குக்­கரை வீதி­யி­னூ­டாக நடந்து சென்ற மாலக், அவ்­வ­ழி­யாக சென்ற சியோனிச யூத ஆக்கிரமிப்பளர்களின்  கார்கள் மீது  சிறுமி கற்­களை வீசி­யுள்ளார்

மாலக்­கிற்கு 2 மாத சிறைத்­தண்­ட­னைக்கு மேல­தி­க­மாக 1500 டொலர்  தண்­டப்­ப­ணத்தை செலுத்­தவும் உத்­த­ர­வி­டப்­பட்­டுள்­ளது.

தனது 14 வயது மகள் படை­யி­ன­ருக்கு எது­வித அச்­சு­றுத்­த­லா­கவும் இருக்­க­வில்லை எனவும் பயிற்சி பெற்ற ஆயு­தங்கள் ஏந்­திய அந்த படை­யினர் தனது மகளால் என்ன அச்­சு­றுத்­தலை எதிர்­கொண்­டார்கள் என்­பது புரி­ய­வில்லை என மாலக்கின் தந்­தை­யான அலி அல் – காடிப் தெரி­வித்துள்ளார்

மாலக் மீது கற்­களை வீசி­யமை, கற்­களை வீச முயன்­றமை, கத்­தி­யொன்றை உடை­மை­யாக வைத்­தி­ருந்­தமை ஆகிய குற்­றச்­சாட்­டுக்கள் சுமத்­தப்­பட்­டுள்­ளன.

தற்­போது இஸ்­ரேலில் 5500 பலஸ்தீனர்கள் தடுத்து வைக்கப்பட்டுள்ளனர் எனவும் அவர்களில் ஆண்கள் மற்றும் பெண்கள் ,சிறுவர் ,சிறுமியர் எனவும் கூறப்படுகின்றது. இவ்வாறு தடுத்து வைக்கப்பட்டுள்ளவர்களில் சுமார் 150 பேர் சிறுவர்களாவர்.