கோல்டன் கீ வழக்குகள் நிறைவு

வைப்பாளர்களுக்கு 41 வீத பணத்தை மீளளிக்க உத்தரவு

கோல்டன் கீ வைப்­பா­ளர்­க­ளுக்கு அவர்­களின் வைப்புத் தொகையில் 41 வீதத்தை திருப்பிச் செலுத்தும் அர­சாங்­கத்தின் திட்­டத்­துக்கு ஒப்­புதல் அளித்த உயர் நீதி­மன்றம் இது­வரை தொடர்ந்து வந்த நீதி­மன்ற நட­வ­டிக்­கை­களை நிறுத்திக் கொள்­ளவும் நேற்று தீர்­மா­னித்­தது.

அதன் படி செலிங்கோ தலைவர் லலித் கொத்­த­லா­வல­யின் கோல்டன் கீ வைப்­புகள் தொடர்பில் முன்­னெ­டுக்­கப்­பட்ட சகல வழக்­கு­க­ளையும் நிறை­வுக்கு கொண்­டு­வ­ரு­வ­தாக  பிர­தம நீதி­ய­ரசர் உள்­ளிட்ட ஐந்து நீதி­ய­ர­சர்கள் கொண்ட குழு,  நேற்று  செவ்­வாய்க்­கி­ழமை அறி­வித்­தனர்.

அர­சாங்கம் உயர் நீதி­மன்றில் முன் வைத்த கோல்டன் கீ வைப்­பா­ளர்­களின் வைப்­புக்­களை மீள செலுத்தும் திட்­டத்­துக்கு, முறைப்­பாட்­டா­ளர்கள் மற்றும் பிர­தி­வா­திகள் என எவரும் எதிர்ப்புத் தெரி­விக்­காத நிலையில் அந்த திட்­டத்தை அங்­கீ­க­ரிப்­ப­தா­கவும் அதன்­படி அது தொடர்­பி­லான வழக்கு விசா­ர­ணைகள் நிறை­வு­றுத்­தப்­ப­டு­வ­தா­கவும் மன்று அறி­வித்­தது.

அதன் பிர­கா­ரமே கடந்த 6 வரு­டங்­க­ளாக தொடர்ந்த வழக்கு நேற்­றோடு நிறை­வுக்கு வந்­தது.

முன்­ன­தாக கோல்டன் கீ வைப்­பா­ளர்­க­ளுக்கு வைப்­புக்­களை மீளச் செலுத்தும் அர­சாங்­கத்தின் திட்டம் கடந்த மாதம் ஆரம்­ப­மா­னது.
 இலங்­கையில் இடம்­பெற்ற பாரிய மோச­டி­யாக கரு­தப்­படும் கோல்டன் கீ நிதி மோசடி கார­ண­மாக அழுத்­தங்­க­ளுக்கும் மனச் சோர்­வுக்கும் உள்­ளான 26 பேர் தற்­கொலை மற்றும் வேறு நோய்கள் கார­ண­மாக உயி­ரி­ழந்­துள்­ளனர்.

கோல்டன் கீ நிறு­வ­னத்தில் 9056 வைப்­பா­ளர்கள் வைப்­புக்­களை இட்­டுள்ள நிலையில் அதன் மொத்த பெறு­மதி 26,500 மில்­லியன் ரூபா என கணிக்­கப்­பட்­டுள்­ளது. 50 ஆயிரம் ரூபா முதல் 2000 இலட்சம் ரூபா வரை­யி­லான வைப்­புக்கள் அதில் அடங்­கு­கின்­றன.

இந் நிலை­யி­லேயே கோல்டன் கீ வைப்­பா­ளர்கள் மூவர் அடிப்­படை உரிமை மீறல் மனுக்­களை உயர் நீதி­மன்றில் தாக்கல் செய்­தி­ருந்த நிலையில் அவை மூன்றும் அனைத்து வைப்­பா­ளர்கள் சார்­பி­லு­மாக விசா­ர­ணைக்கு எடுத்­துக்­கொள்­ளப்­பட்டு விசா­ரிக்­கப்­பட்டு வந்­தது.

அர­சாங்கம் வைப்பாளர்களின் வைப்புத் தொகையில் ஒரு பகுதியை செலுத்துவதற்கு இணக்கம் தெரிவித்த நிலையிலேயே அந்த வைப்பு தொடர்பிலான அனைத்து வழக்குகளையும் முடிவுறுத்த மன்று நேற்று தீர்மானித்தது.