டிராகுலா புகழ் கிறிஸ்டோபர் லீ காலமானார்

டிராகுலா, லோர்ட் ஒப் த ரிங்ஸ் பாத்திரங்களின் மூலம் அழியாப் புகழ் பெற்ற பிரித்தானிய நடிகர் கிறிஸ்டோபர் லீ லண்டனில் தனது 93ஆவது வயதில் காலமானார்.

டிராகுலா எனும் பெயரைக் கேட்டால் இன்றும் பயந்து நடுங்கும் அளவிற்கு இரத்தம் குடிக்கும் காட்டேரியாக திரையில் தாக்கத்தை ஏற்படுத்தியவர் கிறிஸ்டோபர் லீ.

1950களின் பிற்பகுதியில் வெளியான படங்களில் டிராகுலாவாக ரசிகர்களை இருக்கையின் விளிம்பில் அமர வைத்த இவர், ஜேம்ஸ் பொண்ட், லோர்ட் ஒப் த ரிங்ஸ் படங்களில் வில்லனாகவும் கலக்கினார்.

கிறிஸ்டோபர் லீ என்றாலே கொடூரமான ஒரு வில்லன் எனும் எண்ணத்தை அவர் ஏற்படுத்தியிருந்தார்.
உலகளவில் மிகவும் புகழ் பெற்ற ஒரு வில்லனாக இருந்த அவர் நகைச்சுவை நடிகராகவும் நடித்துள்ளார்.

கடந்த ஞாயிறு அன்று அவர் காலமான போதும் 4 நாட்களுக்கு பிறகே அந்த செய்தியை வெளியிட்டுள்ளனர் அவரது குடும்பத்தினர்.