மோசடிகள் இடம்பெறும் இடங்களில் தேர்தல் இரத்துச் செய்யப்படும்: தேர்தல் ஆணையாளர்
எதிர்வரும் ஜனாதிபதி தேர்தலில் கடமையில் ஈடுபடவுள்ள அதிகாரிகளுக்கு இடையூறு ஏற்படுத்துபவர்களுக்கு எதிராகவும், தேர்தல்கள் ச...
http://kandyskynews.blogspot.com/2015/01/blog-post_52.html
எதிர்வரும் ஜனாதிபதி தேர்தலில் கடமையில் ஈடுபடவுள்ள அதிகாரிகளுக்கு இடையூறு ஏற்படுத்துபவர்களுக்கு எதிராகவும், தேர்தல்கள் சட்டங்களை மீறுவோருக்கு எதிராகவும் கடும் நடவடிக்கை எடுக்கப்படுமெனத் தெரிவித்துள்ள தேர்தல்கள் ஆணையா ளர் மஹிந்த தேசப்பிரிய,வாக்குப்பெட்டிகள் மாற்றல் உட்பட மோசடிகள் இடம்பெறும் பட்சத்தில் அந்தப் பகுதியில் தேர்தல் இரத்துச் செய்யப்படும் எனவும் குறிப்பிட்டார்.ஜனாதிபதி தேர்தல்கள் தொடர்பில் விளக்கமளிக்கும் ஊடகவியலாளர் மாநாடு நேற்று இராஜகிரியவிலுள்ள தேர்தல்கள் திணைக்களத்தில் நடைபெற்றது. அங்கு கலந்து கொண்டு உரையாற்றுகையிலேயே அவர் மேற்கண்டவாறு தெரிவித்தார்.
அவர் மேலும் தெரிவிக்கையில்,
தேர்தல் தினத்தன்று கடமைகளில் ஈடுபட்டுள்ள அதிகாரிகளுக்கு இடையுறு ஏற்படுத்தும் வகையிலும் தேர்தல் சட்டதிட்டங்களை மீறி செயட்படுவோருக்கு எதிராகவும் சட்ட நடவடிக்கை எடுக்கப்படும். மறுபுறத்தில் தோ்தலில் ஊழல் மோசடிகள் தொடர்பில் எமக்கு தகவல்கள் கிடைக்கும் பட்சத்தில் குறிப்பிட்ட பிரதேசத்திற்கான தோ்தல் முற்றாக இரத்து செய்யப்படும் தோ்தல் கடமைகளில் ஈடுபடும் எமது அதிகாரிகளுக்கு இடையுறு ஏற்படுத்தல்இ அவர்களை தாக்குதல் உள்ளிட்ட செயற்பாடுகளை மேற்கொள்ள எதிர்பார்க்கும் அரசியல் பிரமுகர்களுக்கு இவ்விடத்தில் ஒன்றைக் கூற விரும்புகின்றேன். எமது அதிகாரிகளுக்கு எவ்வாறான இடையுறு விளைவிக்கப்பட்டாலும் நாம் தொடர்ந்தும் அதிகூடியளவான அதிகாரிகளை தோ்தல் கடமைகளுக்கு ஈடுபடுத்துவோம். நீதியானதும் சுதந்திரமானதுமான தேர்தலை உறுதிப்படுத்துவதற்காகசெயற்படுவோம்.
வாக்களர்களுக்கு அறிவுறுத்தல்
அனைத்து வாக்காளர்களும் தோ்தல் தினத்தன்று இயன்றவரையில் காலை வேளையில் தமக்குரிய உரிய வாக்கு சாடிகளுக்கு சென்று தமது வாக்குகளை அளிப்பதோடு ஒவ்வொறு வாக்காளரும் தமது ஆள் அடையாளத்தை உறுதிப்படுத்துவதற்கு தேசிய அடையாள அட்டை அல்லது அங்கீகாரக்கப்பட்ட ஆவணங்களைக் கொண்டு செல்வது கட்டாயமானது. தமது அடையாளங்களை உறுதிப்படுத்த தவறுபவர்களுக்கு வாக்களிப்பதற்கான அனுமதி மறுக்கப்படும்.
பொலிஸாருக்கு அறிவுறுத்தல்
தோ்தல் பிரசார நடவடிக்கைகள் நேற்று திங்கட்கிழமை நள்ளிரவுடன் நிறைவடைந்த நிலையில் எந்தவொரு அபேட்சருக்க சார்பாக பிரசாரம் நடவடிக்கைகளை முன்னெடுப்பதற்கு பொலிஸார் அனுமதியளிக்க கூடாது. தோ்தல்கள் சட்டதிட்டங்களை மீறி செயற்படுவோருக்கு எதிராக உரிய நடவடிக்கை எடுக்கப்பட வேண்டும். இது தொடர்பில் பொலிஸாருக்கு அறிவுறுத்தல் வழங்கப்பட்டது. தோ்தலில் வாக்களிப்பது அனைத்து மக்களின் உரிமை அதனை உரிய முறையில் பயன்படுத்த வேண்டும். அனைவரும் நீதியான, அமைதியான தேர்தல் நடைபெறுவதற்கு ஒத்துழைப்புக்களை வழங்க வேண்டும் என்றார்.
Sri Lanka Rupee Exchange Rate