உலகளவில் அதிக வயதான பெண்மணி: 116-வது பிறந்த நாளை கோலாகலமாக கொண்டாடிய நெகிழ்ச்சி சம்பவம்

உலகளவில் அதிக வயதான அமெரிக்காவை சேர்ந்த பெண்மணி ஒருவர் தன்னுடைய 116-வது பிறந்த நாளை நேற்று தனது குடும்பத்தினருடன் கோலாகலமாக கொண்டாடியுள்ளார்.
அமெரிக்காவின் புரூக்லின் நகரில் வரும் Susannah Mushatt Jones என்ற 116 வயதுடைய பெண்மணி தான் தற்போது கின்னஸ் நிறுவனத்தால் அங்கீகரிக்கப்பட்டுள்ள அதிக வயதான பெண்மணி ஆவார்.
அலபாமா மாகாணத்தில் கடந்த 1899ம் ஆண்டு பிறந்த அவர், குழந்தைகளை பராமரிப்பது மற்றும் வீட்டு வேலைகளை பார்ப்பது உள்ளிட்ட பணிகளிலிருந்து கடந்த 1965ம் ஆண்டில் ஓய்வு பெற்றுள்ளார்.
புரூக்லினில் உள்ள தனது குடும்பத்தினருடன் நேற்று தனது 116-வது பிறந்த நாளை கோலாகலமாக கொண்டாடிய அவருக்கு இதுவரை குழந்தைகள் பிறக்கவில்லை.
அதிக வயதுடன் வாழ்வதற்கு முக்கியமாக என்ன காரணம் என அவரிடம் கேட்டபோது, ‘அதிக நேரமாக நிம்மதியுடன் தூங்குவது தான் தன்னுடைய அதிக வயதிற்கு காரணம்’ என பதிலளித்துள்ளார்.

மூப்பியல் தொடர்பாக ஆராய்ச்சியை நடத்தி வரும் Robert Young என்பவர் கூறுகையில், சூசன்னா அதிக வயதுடன் வாழ்வதற்கு மற்றொரு முக்கிய காரணம், ‘அவர் இது வரை சிகரெட் மற்றும் மதுவை குடித்ததே இல்லை’ என கூறியுள்ளார்.
மிச்சிகன் நாட்டில் வசித்து வந்த Jeralean Talley என்ற 116 வயதுடைய நபர் தான் இதுவரை அதிக வயதான நபராக இருந்துள்ளார். இவர், கடந்த யூன் 17ம் திகதி இறந்ததும், தற்போது அதிக வயதுடைய நபர் என்ற புகழ் கின்னஸ் நிறுவனத்தால் சூசன்னாவிற்கு வழங்கப்பட்டு உள்ளது.
சூசன்னாவிற்கு அடுத்தப்படியாக இத்தாலியில் வசித்து வரும் Emma Morano-Martinuzzi என்ற பெண்மணி உலக அளவில் இரண்டாவதாக அதிக வயதுடன் வசித்து வருகிறார்.
பிரான்ஸ் நாட்டை சேர்ந்த Jeanne Calment என்ற நபரின் வயதை இன்னும் யாரும் முறியடிக்கவில்ல. அந்த நபர் தனது 122 வயது 164 நாட்களில் கடந்த 1997ம் ஆண்டு இறந்தார் என்பது குறிப்பிடத்தக்கது.